პროექტ “GWC-WASH-2“-ის საგრანტო კონკურსის ფარგლებში, იმერეთის რეგიონის სოფელ ცუცხვათში, წყალთან დაკავშირებული სარეაბილიტაციო სამუშაოები წარმატებით განხორციელდა.
სოფელ ცუცხვათში სასმელი წყლის მიწოდების მრავალწლიანი პრობლემა იყო. პროექტის განხორციელების შემდეგ, სკოლის გარდა სასმელი წყლის პრობლემა მოგვარდა სოფლის ადმინისტრაციაში, საბავშვო ბაღსა და ამბულატორიაში.
აღნიშნული პროექტის განხორციელებაში აქტიურად ჩაერთო სასკოლო თემი (დირექცია, მასწავლებლები და მშობლები) ასევე, ტყიბულის მუნიციპალიტეტის მერია.
“WASH ინიციატივა საქართველოში სოფლად მცხოვრები სოციალურად დაუცველი ქალებისა და ბავშვებისათვის“ მიზანია, საქართველოს სოციალურად დაუცველი და მოწყვლადი მრავალეთნიკური თემების მოსახლეობის ჯანმრთელობის დაცვისა და საცხოვრებელი პირობების გაუმჯობესების ხელშეწყობა.
პროექტი -,,WASH ინიციატივა საქართველოში სოფლად მცხოვრები სოციალურად დაუცველი ქალებისა და ბავშვებისათვის“ – ხორციელდება CENN–ის მიერ, New World Programme (NWP)–ის ფარგლებში, რომელიც მიმდინარეობს Global Water Challenge-ისა და კოკა-კოლას ფონდის (TCCF) ფინანსური მხარდაჭერით.