ახალგაზრდების დასაქმებისა და მდგრადი განვითარების ხელშეწყობა სოციალური მეწარმეობის გზით მწვანე ზრდისთვის

მწვანე მეწარმეობა, ან მდგრადი მეწარმეობა, რომელიც ხელს უწყობს მწვანე ზრდას, მეწარმეობას უფრო ფართო კონტექსტში განიხილავს, სადაც გარემო გადამწყვეტ ადგილს იკავებს. მწვანე მეწარმეები, თავიანთი საქმიანობით, ცდილობენ დადებითი გავლენა მოახდინონ გარემოზე და შეამსუბუქონ გარემო და სოციალური კრიზები ისეთი ბიზნეს მოდელების შექმნით, რომლებიც კონკრეტული სოციალურ და ეკოლოგიური გამოწვევების მოგვარებისკენ არის მიმართული.

ჩვენ მიგვაჩნია, რომ ახალგაზრდებს აქვთ უზარმაზარი პოტენციალი, იყვნენ კატალიზატორები გარემოს მდგრადი განვითარებისათვის და რომ მწვანე მეწარმეობას შეუძლია განუყოფელი როლი ითამაშოს ახალგაზრდების უმუშევრობის წინააღმდეგ ბრძოლაში. სამეწარმეო და ლიდერობის უნარების განვითარება აუცილებელია ახალგაზრდებისთვის, რათა ისინი  გახდნენ მომავლის წამყვანი ლიდერები ამ სფეროში.

ამის გათვალისწინებით, ჩვენ აქტიურად შევუწყობთ ხელს ახალგაზრდების სამეწარმეო პოტენციალის განვითარებას და მომავალი წლების განმავლობაში მხარს დავუჭერთ სოციალური მეწარმეობისა და მწვანე ინოვაციების ეფექტური ეკოსისტემის დამკვიდრებას რეგიონში.