ცეცხლის დანთება მარტივია, თუმცა სახლში შეშის ენერგიის ეფექტიანი გამოყენება იოლი სულაც არ არის! ვიდეო მოიცავს პრაქტიკულ ინფორმაციას, თუ როგორ მივიღოთ მეტი ენერგია ნაკლები შეშით. ქცევის შეცვლით და მშენებლობის მეშვეობით შესაძლებელია ენერგიის ეფექტურობის მაქსიმალური გაზრდა. მოცემულ ვიდეოში თვალსაჩინოდაა წარმოდგენილი და მარტივადაა ახსნილი ეფექტიანი გათბობის ტექნოლოგიები, წვის, პიროლიზის, თბოიზოლაციის, შეშის შენახვის პროცედურები და მომხმარებელთა ჯანმრთელობისა და შეშით სარგებლობასთან დაკავშირებული ქცევის ასპექტები.
ვიდეო ქართულად ითარგმნა CENN–ის (კავკასიის გარემოსდაცვითი არასამთავრობო ორგანიზაციების ქსელის) მიერ ENPI FLEG პროგრამის (ევროპის სამეზობლო პოლიტიკის ინსტრუმენტის – სატყეო სექტორში კანონაღსრულებისა და მართვის), IUCN–ისა (ბუნების კონსერვაციის საერთაშორისო კავშირის) და ADC-ის (ავსტრიის განვითარების თანამშრომლობის) მხარდაჭერით.
ვიდეოს ინგლისური ორიგინალური ვერსია რუსული ტიტრებით „მეტი სითბო ნაკლები შეშით“ შეიქმნა UNECE/FAO-ის ტყისა და ხე–ტყის მასალების სექციის მიერ და წარდგენილ იქნა ECE/FAO-ის 38–ე სამუშაო ჯგუფის შეხვედრაზე, რომელიც გაიმართა სატყეო სტატისტიკის, ეკონომიკისა და მენეჯმენტის თემაზე ენერგოეფექტურობისა და შეშის ენერგიის მხარდასაჭერად.