2019-2021 წლებში საქართველოში შემუშავდა განახლებადი ენერგიებისა და ენერგოეფექტიანი ტექნოლოგიების განვითარების ამბიციური გეგმები, რომელიც უკვე აისახა ქვეყნის კანონმდებლობაში, სახელმწიფო სახელმძღვანელო დოკუმენტებსა და პროგრამებში. ენერგეტიკის, ბუნებრივი რესურსების მართვისა და გარემოს დაცვის სფეროში მიღებული რეფორმული ხასიათის ცვლილებებისა და სიახლეების დანერგვა მოითხოვს სიტუაციის დეტალურ ანალიზს ეროვნულ და ადგილობრივ დონეზე.
დოკუმენტის მიზანია, ცენტრალურ და ადგილობრივ ხელისუფლებას მიაწოდოს საბაზისო მონაცემები კვლევაზე დაფუძნებული გადაწყვეტილებების მისაღებად.
სათბობი რესურსების ბაზარი და მოთხოვნა-მიწოდება შეფასდა რეგიონული, მუნიციპალური და სააუზო მასშტაბით.
კვლევა განხორციელდა CENN-ის მიერ, პროექტის – „ტყის მდგრადი მართვა სოფლის განვითარებისათვის“ – ფარგლებში, ავსტრიის განვითარების თანამშრომლობის (ADC) ფინანსური მხარდაჭერით.